बिष्णु कुमार कार्की भन्छन : मेरो उम्मेद्बारी प्रशिक्षित कार्यकर्ता र सङ्गठित काङ्ग्रेस निर्माणका लागी ।
प्रकाशित : २०७८ मंसिर २६ गते ९:३५
काठमाडौं ।
नेपाली काङ्ग्रेसका नेता बिष्णु कुमार कार्कीले नेपाली काङ्ग्रेसको केन्द्रिय कार्य समिती सदस्य (खस आर्य तर्फ) पदमा उम्मेद्बारी दिएका छन । उनले मङ्सिर २४ गते देखि सुरु भएको नेपाली काङ्ग्रेसको १४ औं महाधिवेशनमा खस आर्य तर्फ केन्द्रिय सदस्य पदमा मनोनयन गरेका हुन ।
मनोनयन पछि नवलपुर टाईम्स सङ्ग कुरा गर्दै कार्कीले प्रशिक्षित कार्यकर्ता र सङ्गठित काङ्ग्रेस निर्माणका लागी केन्द्रिय सदस्यमा उम्मेद्बारी दिएको बताए । “प्रशिक्षित कार्यकर्ताले मात्र सङ्गठित काङ्ग्रेस निर्माण हुन्छ, प्रतिबद्ध कम्युनिस्ट संग लड्न काङ्ग्रेस कार्यकर्ता प्रशिक्षित हुन आवश्यक छ”, कार्कीले भने ।
कार्कीले नेताहरु गाउँका सामान्य कार्यकर्ताका मनोभावना र समस्या सङ्ग परिचित हुनुपर्ने बताए ।“गाउँ–गाउँका कार्यकर्तामा नैराश्यता छ,पिडा छ, त्यसैले काङ्ग्रेसका नेता सदरमुकाममुखी नभएर गाउँमुखी हुन आवश्यक छ” कार्कीले भने ।
सभापति देउवा समुहबाट उम्मेद्बारी दिएका कार्की नवलपुर क्षेत्र नम्बर ०२ बाट प्रतिनिधि सभाका उम्मेदवार बनेका थिए ।
Facebook Comment