बस चलाउने क्रममा असहज भएर बेहोस भएका चालकको मृत्यु
प्रकाशित : २०८० कार्तिक २६ गते ९:५६
कावासोती । पुर्व बाट पश्चिम तर्फ जाँदै गरेको बसका चालक बस चलाउने क्रममा असहज भएर बेहोस भए पछि मृत्यु भएको छ ।
पश्चिम नेपाल यातायात प्रा.लिको लु २ ख ४०७२ नम्बर को यात्रुबाहक बसको चालक लाल बहादुर गाहा मगर बस चलाई रहेको बेला आफुलाई असहज भए पछि बस रोकेर सहचालकलाई चलाउन दिए लगत्तै उनी बसमै बेहोस भएका थिए ।
बसमा बेहोस भएका उनलाई देवचुली नगर अस्पताल ल्याईएको र उपचारको क्रममा उनको निधन भएको नवलपुर प्रहरीले जनाएको छ ।
बस चलाउनेक्रममा असहज हुनु केही बेर अगाडि खाना खाएका र खाना खाएको केही समयमा यो घटना भएको प्रहरीको भनाइ छ । मृतक चालक उच्च रक्तचापका बिरामी रहेको र त्यसको औषधि समेत खाने गरेको प्रारम्भिक अनुसन्धानबाट देखिएको प्रहरीले जनाएको छ ।
प्रकाशित : २०८० कार्तिक २६ गते ९:५६
Facebook Comment