प्रधानमन्त्री कप क्रिकेट प्रतियोगिताको प्रदेश छनौट खेल्ने नवलपुर टोलिको घोषणा
प्रकाशित : २०७७ पुष २ गते १५:५५
कावासोती । प्रधानमन्त्री कप क्रिकेट प्रतियोगिताको प्रदेश स्तरीय छनौट खेल्ने नवलपुरको १४ सदस्यीय टोलिको बिहीवार घोषणा गरिएको छ ।
मन्जिल न्यौपानेको कप्तानीमा घोषणा गरिएको जिल्ला स्तरीय टिमको उपकप्तानको जिम्मेवारी राहुल शर्मालाई दिईएको नवलपुर जिल्ला क्रिकेट संघका सचिव विवेक न्यौपानेले बताए ।
घोषणा गरिएको टोलिमा मन्जिल न्यौपाने (कप्तान ) राहुल शर्मा (उपकप्तान) सनम बुढाथोकी , सन्देश बस्नेत, प्रोबिन भुजेल, दिपक डुम्रे (विकेट किप्पर) , कमल परियार, कैलाश पंगेनी, विवेक दराई, विशाल पौडेल , विज्ञान गौतम , रतन कार्की , राजेश ढकाल र लक्की सापकोटा रहेको सचीव न्यौपानेले जानकारी दिए ।
यसै गरि टोलिको वैकल्पिक खेलाडीमा स्विकार सापकोटा , निक्ष्चल सापकोटा , विवेक पराजुली र खिम मल्ल ठकुरी रहेको न्यौपानेले बताए ।
सचिव न्यौपानेका अनुसार टोलिको प्रशिक्षकको जिम्मा धमनाथ सापकोटा र व्यवस्थापकको जिम्मा लिलाराम कंडेललाई दिईएको छ ।
प्रधानमन्त्री कपको क्रिकेट प्रतियोगिताको गण्डकी प्रदेश स्तरीय छनौट खेल यहि पौष ३ गते देखि पोखरामा सुरु हुँदै छ ।
छनौट प्रतियोगिताको पहिलो खेलमा नवलपुरले यहि पौष ५ गते पहिलो खेल तनहुँ सँग,दोस्रो खेल ६ गते स्याङ्जा सँग र तेस्रो खेल ८ गते कास्की सँग खेल्ने आयोजक गण्डकी प्रदेश क्रिकेट संघले जनाएको छ ।
प्रतियोगितामा नवलपुर, स्याङ्जा, कास्की र तनहुँको सहभागीता रहने आयोजकले जनाएको छ ।
Facebook Comment