नायिका रागिनी प्रहरीको केन्द्रीय अपराध शाखाको हिरासतमा थप सामग्री
प्रकाशित : २०७७ भदौ १९ गते १२:५०
कन्नड अभिनेत्री रागिनी द्विवेदीलाई भारतीय प्रहरीको केन्द्रीय अपराध शाखाले नियन्त्रणमा लिएको छ । कन्नड फिल्म उद्योगसँग जोडिएको लागू औषधको विषयलाई लिएर प्रहरीले उनलाई हिरासतमा लिएको हो ।
प्रहरी स्रोतका अनुसार सीबीसीको एक टोली बिहान ६ बजे नै उनको निवास पुगेको थियो । सीसीबीले बुधबार अभिनेत्री द्विवेदीलाई प्रहरीमा हाजिर हुन भनेपनि उनले आफ्ना वकिलको टिम पठाएर सोमबारसम्मको समय मागेकी थिइन् ।
त्यसपछि प्रहरीले उनलाई शुक्रबार उपस्थित हुन भनेको थियो । सीसीबीले उनलाई आजै अदालतमा पेश गर्ने तयारी गरेको छ ।
मादक पदार्थ ब्युरो (एनसीबी) ले बैंग्लोरबाट ३ जनालाई पक्राउ गरेको थियो । उनीहरुमाथि कन्नड फिल्म उद्योगका गायक र कलाकारलाई मादकपदार्थ आपूर्ति गरेको आरोप लागेको थियो ।
त्यसपछि सीसीबीले छानविन सुरु गरेको थियो । कन्नड फिल्म उद्योगका कम्तीमा १५ जना व्यक्ति मादकपदार्थसँग सम्बन्धित कारोबारमा सामेल भएको बताइएको छ ।
Facebook Comment