कावासोती २ मा लकडाउनमा कडाइ,उल्लंघन गरे कारबाही गरिने अध्यक्ष पौडेलको भनाई

नारायण प्रभु
बैशाख ५ नवलपुर

कोरोना भाइरसको संक्रमणले बिश्व आक्रान्त भैरहेका बेला नवलपुरका स्थानीय तहहरुले पनि लकडाउनमा कडाइ गर्न शुरु गरेका छन।स्थानीय युवाहरूको  सक्रियतामा कावासोतीका सबैजसो वडाहरु शिल गरिसकिएको भएतापनि वडा नं. २ मा चहलपहल बढी हुन थाले पछि आजदेखि यस वडामा पनि लकडाउनमा कडाइ गरिएको अध्यक्ष लक्ष्मी प्रसाद पौडेलले जानकारी गराउनु भयो।

पुर्व पश्चिम राजमार्गको उत्तरतर्फ कावासोतीको मुख्यबजार वरिपरि र भित्री सडकहरुमा बिहान र साँझमा मानिसहरुको बाक्लो उपस्तिथि हुने हुँदा संक्रमणको जोखिम बढ्न सक्ने भन्दै लकडाउनलाई कडाइ गरिएको अध्यक्ष पौडेलको भनाइ रहेको छ।

हिजो एक सूचना प्रकाशित गर्दै जिल्ला प्रशासन कार्यालय( ब.सु.पु.) को निर्णय अनुसार नै अत्यावश्यक पर्ने खाद्यान्नका पसलहरु बिहान ७ देखि ९ र साँझमा ५ देखि ७ बजेसम्म मात्र खोल्न पाइने बताइएको छ।अत्यावश्यक काम बाहेक जो कोहिलाई पनि घर बाहिर ननिस्कन बताइएको छ भने आफ्नो घर वरिपरि कोहि नयाँ व्यक्ति देखिएमा टोलबिकास संस्था वा वडा कार्यालयमा जानकारी गराइ सहयोग गरिदिन पनि सूचनामा जानकारी गराइएको छ।

वडा न. २ मा मानिसहरूको चहलपहल बढ्न थाले पछि वडाध्यक्ष सहितको टोलिले आजै देखि अनुगमनलाई तिब्रता दिइएको छ।बिहानै देखि अनुगमनमा निस्किएको टोलिले वडाका व्यस्त चोकदेखि  हाट बजारमा रहेको तरकारी पसलहरुमा समेत पुगेर भिड व्यबस्थापन गर्न निर्देशन दिएको छ।

बिहान र साँझमा पैदलयात्रा गर्ने मानिसहरूले सडक नै अबरुद्ध गर्न थालेपछी लकडाउनको कुनै अर्थ नरहेको बताउदै सकेसम्म घरभित्रै शारीरिक अभ्यास गरिदिन पनि अध्यक्ष पौडेलले अनुरोध गर्नुभएको छ।
यदि वडाको निर्देशन नमानी लकडाउनको उल्लंघन गरेको पाइएमा आवश्यक कारबाही पनि गर्न सकिने उहाँले बताउनुभयो।