अमेरिकामाथि सेना फिर्तीको समयसीमा लम्ब्याउन दबाब

संयुक्त राज्य अमेरिकाका राष्ट्रपति जो बाइडनले यही अगष्ट महिनाको अन्त्यपछि अफगानिस्तानमा सैनिक उपस्थिति कायम राख्ने या नराख्ने विषयमा २४ घण्टाभित्र निर्णय लिने बताएका छन् ।

साझेदार मुलुकहरूले अफगानिस्तानमा मानवीय उद्धारकार्य नसकिएकोले सेना फिर्तीको समयसीमा लम्ब्याउन अमेरिकामाथि दबाब दिइरहेका बेला यस विषयमा एक दिनभित्र निर्णय गर्ने राष्ट्रपति बाइडनले बताएको समाचार संस्था रोयटर्सले जनाएको छ ।

उता, तालिबान लडाकुहरू भने अर्को हप्ताभन्दा पछिसम्म अमेरिका बस्न खोजे सहमतिको उल्लंघन हुने र त्यसको परिणाम राम्रो नहुने चेतावनी दिइरहेका छन् ।

मंगलबार बस्ने जी–७ मुलुकको शीर्ष बैठकमा अमेरिकी सेना फिर्तीको विषय प्रमुख मुद्दा हुने बीबीसीले जनाएको छ ।