गुल्मीमा लकडाउनयता १६ जनाले गरे आत्महत्या
प्रकाशित : २०७७ जेठ ७ गते ९:२५
गुल्मीमा लकडाउन जारी भएपछि १६ जनाले आत्महत्या गरेका छन्। जिल्ला प्रहरी कार्यालय गुल्मीले लकडाउन शुरु भएपछि अहिलेसम्मको अवधिमा १६ जनाले आत्महत्या गरेको जनाएको छ ।
जसमा पाँच पुरुष, तीन महिला र चार बालिकाले झुण्डिएर आत्महत्या गरेका छन्। दुई पुरुष र एक बालकले बिष सेवन गरेका छन् भने एक पुरुषले पानी ट्याङकीमा डुवेर आत्महत्या गरेको जिल्ला प्रहरी कार्यालय गुल्मीका प्रहरी निरीक्षक चुरामणी पुनले बताए।
गुल्मीको धुर्कोट गाउँपालिका-२ पिपलधाराका ८० बर्षीय बृद्ध कर्ण बहादुर वस्नेतले शनिबार मुसा मार्ने बिष सेवन गरेर आत्महत्या गरेका छन् । जिवनको उत्तरार्द्धमा पुगेका व्यक्तिले किन आत्महत्या गरे केहि खुलेको छैन।
कालिगण्डकी गाउँपालिका-५ फोक्सिङ्गका ७० वर्षीय ओम बहादुर र उनकी श्रीमती ६९ वर्षीया खिमकला सार्कीले नयाँ बर्षकै दिन एउटै पासोमा झुण्डिएर आत्महत्या गरे । त्यो पीडाले एक छोरा र तीन छोरीको परिवार अहिलेसम्म बिक्षिप्त छन् । सामान्य अवस्थामा जिविकोपार्जन गरिरहेका दम्पतिले यसरी आत्महत्या गर्नुको कुनै कारण खुलेको छैन।
गत शुक्रबार मदाने गाउँपालिका-२ बाँझकटेरीका २३ वर्षीय लिला बहादुर झाँक्रीले पनि रुखमा झुण्डिएर आत्महत्या गरे । परिवारका अनुसार उनले आत्महत्या गर्नुको कुनै कारण खुलेको छैन । नयाँपत्रिकाबाट
Facebook Comment