जलयात्रामा रमाउन चाहने पर्यटकका लागि नयाँ गन्तब्य बन्दै दोलालघाट
प्रकाशित : २०८१ मंसिर १७ गते २०:४५
काठमाडौं
काभ्रेपलान्चोक जिल्लाको भुम्लु गाउँपालिका स्थित दोलालघाटमा जेट बोट संचालनमा आएको छ ।
पर्यटकिय क्षेत्र मानिने दोलालघाटमा मङ्सिर १६ गते देखि अत्याधुनिक प्रबिधिको जेट बोट संचालनमा आएको हो ।
भुम्लु गाउँपालिकाको सहकार्यमा महाकाल वाटर सर्विसेस एण्ड रिसोर्टद्वारा संचालित जेटबोट सुनकोशी र इन्द्रावती नदिमा चल्नेछ । गाउँपालिकाले जेट बोट संचालनका कारण आन्तरिक तथा बाह्य पर्यटकको संख्यामा वृद्धि हुने बिश्वास राखेको छ ।
भुम्लु गाउँपालिकाका उपाध्यक्ष दावा लामाले जेट बोटका कारण आन्तरिक पर्यटनमा टेवा पुग्ने बताउँदै पर्यटन ब्यवसायीहरु आकर्षित हुँदा स्थानिय राजस्वमा वृद्धि हुने बताउँछन ।
महाकाल वाटर सर्भिसेजका संचालक प्रभास न्यौपानेका अनुसार जेट बोटमा एक पटकमा १० जना पर्यटकले ८ किलोमीटर लामो जल यात्राको मजा लिन सक्नेछन ।
प्रकाशित : २०८१ मंसिर १७ गते २०:४५
Facebook Comment