देवचुली नगर खेलकुद विकास समितिलाई पराजित गर्दै योङ्ग ब्वाईज चितवन क्वाटरफाईनलमा
प्रकाशित : २०८१ मंसिर ९ गते १७:२३
कावासोती । देवचुली नगर खेलकुद विकास समितिलाई पराजित गर्दै योङ्ग ब्वाईज चितवन क्वाटरफाईनलमा
आईतबार सम्पन्न खेलमा देवचुली नगर खेलकुद विकास समितिलाई २-१ गोल अन्तरले पराजित गर्दै योङ्ग ब्वाईज चितवन प्रतियोगिताको क्वाटरफाइनलमा प्रवेश गरेको हो ।
योङ्ग ब्वाईज चितवन लागि खेलको २० औं मिनेटमा विवेक बिक र २२ औं मिनेटमा सन्जित सुनारले एक एक गोल गरेका थिए ।
खेलको १० औं मिनेटमा देवचुली नगर खेलकुद विकास समितिका तर्फबाट सनशाईन गुरुङले सुरुवाती गोल गरेको भए पनि देवचुली नगर खेलकुद विकास समितिले अग्रतालाई जोगाउन भने सकेन ।
खेलको म्यान अफ द योङ्गवाईज चितवनका सिमांशु थापा भएका छ्न ।
भोलि सोमबार अभिषेक चर्च रजहर र नवलपुर ११ बिच खेल हुने छ ।
प्रतियोगितामा प्रथम हुने टिमले २ लाख ७५ हजार रुपैयाँ नगद सहित मेडल, ट्रफी र प्रमाणपत्र प्राप्त गर्नेछ भने उपबिजेता हुने टिमले १ लाख ५० हजार रुपैयाँ नगदसहित मेडल, ट्रफी र प्रमाणपत्र प्राप्त गर्ने आयोजकले जनाएको छ ।
प्रतियोगिताको सेमिफाइनल पुग्ने २ टिमले २५ हजार रुपैयाँँ नगद तथा उत्कृष्ट खेलाडी, सर्वोकृष्ट गोलरक्षक, सर्वाधिक गोलकर्ता तथा अनुशासित टिमलाई नगद ५ हजार रुपैयाँँ पुरस्कारको व्यवस्था रहेको आयोजकले जनाएको छ ।
Facebook Comment