कावासोती नगर स्तरिय अन्तर विद्यालय गुन्द्री बुन्ने प्रतियोगितामा जनता मावि मगरकोट प्रथम
प्रकाशित : २०८१ मंसिर ७ गते १८:४१
कावासोती । कावासोती नगरपालिकामा रहेका विद्यालयहरु बिच गुन्द्री बुन्ने प्रतियोगितामा जनता माध्यमिक विद्यालय मगरकोट प्रथम भएको छ ।
शुक्रबार सरस्वती माध्यमिक विद्यालय गोछडामा आयोजना भएको प्रतियोगितामामा महाराजा आधारभुत विद्यालय दोस्रो र आयोजक सरस्वती माध्यमिक विद्यालय गोछडा तृतीय भएको हो ।
परम्परागत सीप कौशलको हस्तान्तरण लागि प्रतियोगिता राखिएको नगरपालिकाका शिक्षा शाखा अधिकृत राजन पाण्डेले बताए । नगरभित्रका १३ विद्यालयका विद्यार्थी सहभागी भएको प्रतियोगितामामा नगरपालिकाका सामाजिक विकास समिति संयोजक चुडामणी थनेत, नगरशिक्षा अधिकारी क्षेत्र बहादुर भण्डारी सहितका पदाधिकारीको उपस्थिति रहेको थियो ।
प्रकाशित : २०८१ मंसिर ७ गते १८:४१
Facebook Comment