गैँडाको आक्रमणबाट कावासोतीमा एक जनाको मृत्यु
प्रकाशित : २०८१ कार्तिक २० गते १४:५०
कावासोती । नवलपुरमा गैँडाको आक्रमणबाट एक जनाको मृत्यु भएको छ । गैँडाको आक्रमाबाट कावासोती नगरपालिका वडा नं. ७ बोटे टोलका ६५ वर्षीय सुक बहादुर बोटेको मृत्यु भएको जिल्ला प्रहरी कार्यालयका प्रहरी नायव उपरीक्षक जेसी शाहले जानकारी दिए ।
मंगलबार दिउँसो पौने एक बजेको समयमा कावसोती ७ कै कृष्णसार सामुदायिक वनमा गाईगोरु चराउन गएको बेला गैँडाले बोटेलाई आक्रमण गरेर घाइते बनाएको शाहले जानकारी दिए ।
गैँडाको आक्रमणबाट छातीमा चोट लागि गम्भीर घाइते भएका बोटेलाई उपचारका लागि कालिगण्डकी असप्ताल लगिएको थियो । उहाँको उपचारका क्रममा मृत्यु भएको प्रहरीले जनाएको छ ।
प्रकाशित : २०८१ कार्तिक २० गते १४:५०
Facebook Comment