युनाईटेड गोल्डकप : वातासिनो योङ्गस्टार कावासोती फाईनलमा, उपाधिका लागि रडस रामपुर सँग भिडने
प्रकाशित : २०८१ भदौ २७ गते १८:४१
कावासोती । वातासिनो योङ्गस्टार कावासोती हुप्सेकोटको गिरुबारीमा जारी ३८ औं युनाईटेड गोल्ड कपको फाईनलमा प्रवेश गरेको छ ।
एभरेस्ट युवा क्लब चितवनलाई १-० गोल अन्तरले हराउँदै वातासिनो योङ्गस्टार कावासोती प्रतियोगिताको ३८ औं संस्करणको फाईनलमा पुगेको हो ।
प्रतियोगिताको उपाधिका लागि वातासिनो योङ्गस्टार कावासोतीले शनिबार रडस रामपुर सँग खेल्ने छ ।
प्रतियोगिताको विजेताले २ लाख ५० हजार रुपैयाँ प्राप्त गर्नेछन भने दोश्रो हुने टिमले १ लाख ५० हजार नगद सहित ट्रफि र प्रमाणपत्र प्राप्त गर्ने छन् । सेमिफाईनलमा पुगेर बाहिरिने दुई टिमले नगद २० हजार रुपैयाँ हात पार्नेछन ।
उत्कृष्ट खेलाडि, सर्वाधिक गोलकर्ता, उत्कृष्ट किपर र अनुशासित टिमलाई समेत नगद ८ हजार सहित पुरस्कृत गरिने आयोजकले बताएको छ ।
युनाईटेड युवा क्लबको आयोजनामा भाद्र १४ गते देखि सुरु भएको खेल सरस्वती मा.बि. गिरुवारीको खेल मैदानमा भाद्र २९ गते सम्म संचालन हुनेछ ।
।
Facebook Comment