युनाईटेड गोल्ड कप : पहिलो चरणको तेस्रो खेलमा १ का विरुद्ध ६ गोलले रड्स रामपुर बिजयी
प्रकाशित : २०८१ भदौ १६ गते १८:३८
कावासोती,
हुप्सेकोटको गिरुवारीमा जारी ३८ औं युनाईटेड गोल्ड कपको आजको खेलमा रड्स रामपुर चितवन बिजयी भएको छ । नवज्योती युवा क्लब हसौरालाई १ का विरुद्ध ६ गोलले पराजित गर्दै रड्स रामपुर गोल्डकपको दोश्रो चरणमा प्रबेश गरेको हो ।
रड्स रामपुरले खेलको पहिलो हापमा ३ र दोश्रो हापमा ३ गोल गरेको हो । रड्स रामपुरका लागि जर्सि नम्बर ७ लगाएर खेल्ने अनिल मगर एक्लैले ३ गोल गरेका थिए ।
सोमबार देवचुली युवा तथा खेलकुद बिकाश समिती देवचुली नगरपालिका सङ्ग नमुना युवा क्लब पश्चिमटोलले प्रतिस्पर्धा गर्नेछ ।
प्रतियोगिताको विजेताले २ लाख ५० हजार रुपैयाँ प्राप्त गर्नेछन भने दोश्रो हुने टिमले १ लाख ५० हजार नगद सहित ट्रफि र प्रमाणपत्र प्राप्त गर्ने छन् । सेमिफाईनलमा पुगेर बाहिरिने दुई टिमले नगद २० हजार रुपैयाँ हात पार्नेछन ।
उत्कृष्ट खेलाडि, सर्वाधिक गोलकर्ता, उत्कृष्ट किपर र अनुशासित टिमलाई समेत नगद ८ हजार सहित पुरस्कृत गरिने आयोजकले बताएको छ ।
युनाईटेड युवा क्लबको आयोजनामा भाद्र १४ गते देखि सुरु भएको खेल सरस्वती मा.बि. गिरुवारीको खेल मैदानमा भाद्र २९ गते सम्म संचालन हुनेछ ।
Facebook Comment