कावासोती । पुर्बी नवलपरासीको हुप्सेकोटमा हरेक वर्ष आयोजना हुँदै आईरहेको युनाईटेड गोल्ड कपको तयारी पूरा भएको छ ।

युनाईटेड युवा क्लब गिरुवारीद्वारा आयोजित युनाइटेड गोल्ड कप फुटबल प्रतियोगिताको ३८ औं संस्करण हुप्सेकोट ३ स्थित सरस्वती मा.बि. को खेल मैदानमा संचालन हुनेछ ।

प्रतियोगितामा १६ वटा फुटबल क्लब सहभागी हुने खेल संयोजक हरि थापाले बताए । थापाका अनुसार खेलकुद प्रतियोगिताको सम्पुर्ण तयारी सकिएको छ ।
शुक्रबार दिउँसो ३ बजे भब्य समारोहका बिच प्रदेश खेलकुद परिषद गण्डकीका सदस्य सचिव श्रीधर भट्टराईले प्रतियोगिताको उदघाटन गर्ने कार्यक्रम रहेको थापाले बताए ।
बसन्तपुर फार्मेसी र चोरमारा युवा क्लब चोरमारा बिच उदघाटन खेल हुने उनले जानकारी दिए ।

प्रतियोगिताको विजेताले २ लाख ५० हजार ५ सय ५५ रुपैयाँ प्राप्त गर्नेछन भने दोश्रो हुने टिमले १ लाख ५० हजार ५ सय ५५ नगद सहित ट्रफि र प्रमाणपत्र प्राप्त गर्ने छन् । खेल संयोजक थापाका अनुसार सेमिफाईनलमा पुगेर बाहिरिने दुई टिमले नगद २० हजार ५ सय ५५ रुपैयाँ हात पार्नेछन । उत्कृष्ट खेलाडि, सर्वाधिक गोलकर्ता, उत्कृष्ट किपर र अनुसासित टिमलाई समेत नगद ८ सहित पुरस्कृत गरिने आयोजकले बताएको छ ।

यस अगाडिका खेलहरुमा एउटै टिममा धेरै विदेशि खेलाडिहरुलाई समावेश गराउने गरिएकोमा यस वर्ष भने एउटा टिमले बढिमा ३ जना मात्रै विदेशि खेलाडिलाई टिममा समाबेश गराउन पाउने गरि नियम गराईएको क्लबका कोषाध्यक्ष धन बहादुर गुरुङले बताए ।

निरन्तर ३८ औं संस्करण सम्म आयोजित यस प्रतियोगितालाई जिल्लाकै गौरवको रुपमा लिईन्छ ।