माडीमा खोलाले मोटरसाइकल बगायो, चालक बुट्यानमा अड्किएर बाँच्न सफल
प्रकाशित : २०८१ भदौ ४ गते ७:३९
कावासोती । चितवनको माडीमा खोलाले मोटरसाइकल बगाएको छ । आज दिउँसो माडीबाट ठोरी पर्सा जाने क्रममा बागमती प्रदेश ०३–०२ प ९५८६ नम्बरको मोटरसाइकललाई खोलाले बगाएको हो । बाँदरझुलास्थित अम्बुवाखोलामा बाढी आई मोटरसाइकल बगाएको हो ।
मोटरसाइकल चालक भरतपुर महानगरपालिका–२८ का ३७ वर्षीय पवन चापागाईं खोलाले बगाएको बुट्यानमा अड्किएर बाँच्न सफल भएको प्रमुख जिल्ला अधिकारी इन्द्रदेब यादवले जानकारी दिए । उनको सकुशल उद्धार गरिएको छ ।
प्रकाशित : २०८१ भदौ ४ गते ७:३९
Facebook Comment