मध्यविन्दुमा दुईवटा मोटरसाइकल एक आपसमा ठक्कर खाँदा चार जना घाईते
प्रकाशित : २०८१ भदौ ३ गते २१:५५
कावासोती । नवलपुरको मध्यविन्दु नगरपालिका-७, अम्रसाको भित्री सडक खण्डमा दुई मोटरसाइकल एकापसमा ठक्कर खाँदा चार जना घाइते भएका छन् ।
जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पौडेलका अनुसार अम्रसास्थित भित्री सडक खण्डमा ना ४५ प ८७५६ नम्बरको मोटरसाइकलले ना १२ प ४६३६ नम्बरको मोटरसाइकललाई ठक्कर दिएको हो ।
दुर्घटनामा परी हुप्सेकोट-४, झ्यालबास निवासी ३९ वर्षीय म्याक्स सोतीमगर, मध्यविन्दु-९, वसन्तपुर निवासी १९ वर्षीय अश्मिन कुमाल, हुप्सेकोट-२ निवासी १८ वर्षीय लोकेन्द्रनारायण मल्ल र हुप्सेकोट २ निवासी १७ बर्षीय सुसन मल्ल घाइते भएका छन् ।
घाइतेहरुको जनता हेल्थ केयर चोरमारामा उपचार भइरहेको छ । दुर्घटनामा परेको दुवै मोटरसाइकल प्रहरीको नियन्त्रणमा रहेको छ ।
प्रकाशित : २०८१ भदौ ३ गते २१:५५
Facebook Comment