दाउन्नेमा भासिएको सडक मर्मत गरिदैँ, करिब ५ घण्टा यातायात अवरुद्ध हुने
प्रकाशित : २०८१ साउन २९ गते ८:१५
कावासोती । पुर्व पश्चिम नारायणघाट बुटवल सडक खण्डमा पर्ने दाउन्ने बजारमा पहिरोले भासिएको सडकको मर्मत सुरु भएकाले यातायात अवरुद्ध भएको छ ।
दाउन्ने बजारमा सडकको बाँया भाग सोमबार साँझ ४ बजे आसपास पहिरो खसेर सडक अवरुद्ध हुँदा एकतर्फी मात्रै सन्चालनमा आएको थियो ।
अहिले उक्त सडकको मर्मत सुरु गरिएको र मर्मत गर्न करिब ५ घण्टा लाग्ने नवलपुर प्रहरीले जनाएको छ । जिल्ला प्रहरी कार्यालय नवलपुरका डिएसपी वेदबहादुर पौडेलका अनुसार अहिले सडकमा अत्यावश्यक (एम्बुलेन्स र दमकल) बाहेकका सवारी साधनलाई मर्मत नसकिदा सम्म सन्चालनमा रोक लगाईएको हो ।
प्रकाशित : २०८१ साउन २९ गते ८:१५
Facebook Comment