नवलपुरका नेता घर्ती नेपाल लोकतन्त्रवादी आदिवासी जनजाति महासंघको सभापतिमा निर्वाचित
प्रकाशित : २०८१ असार १४ गते ९:२५
कावासोती । नेपाली काङ्ग्रेस नवलपुरका नेता ओम बहादुर घर्ती मगर लोकतन्त्रवादी आदिवासी जनजाति महासंघको केन्द्रिय सभापतिमा निर्वाचित भएका छन । बुधबार राती काठमाडौंमा सम्पन्न प्रथम महाधिवेशनबाट नवलपुर काङ्ग्रेसका महासमिति सदस्य घर्ती केन्द्रिय सभापतिमा निर्वाचित भएका हुन ।
घर्तीलाई यस अघि नेपाली काङ्ग्रेसका सभापति शेर बहादुर देउवाले लोकतन्त्रवादि आदिवासी जनजाती महासंघको केन्द्रिय सभापतिमा मनोनयन गरेका थिए । नेपाली काङ्ग्रेसको भातृ सङ्गठनहरुको महाधिवेशन हुन नसक्दा घर्तिले भने महाधिवेशन सम्पन्न गरेर आफै सर्वसम्मत नेतृत्वमा चयन भएका हुन ।
महासंघको प्रथम महाधिवेशनबाट सभापति सहित ३ उपसभापति,२ महामन्त्री,७ सहमहामन्त्री,१ कोषाधक्ष,१ प्रबक्ता सहित ११३ जनाको केन्द्रिय समिती निर्वाचित भएको निर्वाचन समितिका संयोजक बिनोद गुरुङले बताए ।
समितिको केन्द्रिय सदस्यमा नवलपुरबाट गोमा खन्डलुक निर्वाचित भएकी छन । महाधिवेशनको उदघाटन असार ११ गते नेपाली काङ्ग्रेसका सभापति शेर बहादुर देउवाले गरेका थिए ।
Facebook Comment