करेन्ट लागेर युवकको मृत्यु
प्रकाशित : २०८१ जेठ २० गते १८:५४
कावासोती । नवलपुरमा करेन्ट लागेर एक जनाको मृत्यु भएको छ ।
जिल्लाको कावासोती वडा नं. १६ मा रहेको चालीस किलो जंगलमा हाइटेन्सनको करेन्ट लागेर एक युवकको मृत्यु भएको हो ।
बाँके नरैनापुर गाउँपालिका वडा नं. ४ घर भइ रोयल कन्ट्रक्स्न कम्पनी प्रालि काठमाडौंमा कार्यरत २४ वर्षीय कुलदिप गुरुङको मृत्यु भएको प्रहरीले जनाएको छ ।
गुरुङ हाल नवलपुरमा कार्यरत थिए । उनको कावासोती–१६ को चालिस किलो जंगलमा हाइटेन्सनको लाइन बनाउने क्रममा करेन्ट लागेको जिल्ला प्रहरी कार्यालय नवलपुरका सूचना अधिकारी, प्रहरी नायव उपरीक्षक बेदबहादुर पौडेलले जानकारी दिए ।
करेन्ट लागेपछि उनलाई उपचारका लागि जिल्ला अस्पताल डण्डा लगिएकोमा चिकित्सकले मृत घोषणा गरेका प्रहरी नायव उपरीक्षक पौडेलले बताए ।
प्रकाशित : २०८१ जेठ २० गते १८:५४
Facebook Comment