लागु औषध सहित ३ जना पक्राउ
प्रकाशित : २०८१ जेठ १३ गते १२:१७
कावासोती । नवलपुर प्रहरीले लागु औषध सहित ३ जनालाई पक्राउ गरेको छ ।
नवलपुरको मध्यविन्दु नगरपालिका वडा नं ७ अम्रसा बस्ने अशोक महतोलाई बाटोमा हिडदै गरेको अवस्थामा २३ एम्पुल डाइजापाम, २३ एम्पुल फेनारागन र २३ एम्पुल आइपीपीएल सहित पक्राउ गरेको जिल्ला प्रहरी कार्यालय नवलपुरका सूचना अधिकारी डिएपी बेदबहादुर पौडेलले जानकारी दिए ।
त्यसै गरि प्रहरीले कावासोती १६ स्थित चालिसकिलो जंगलमा पश्चिमबाट पूर्व तर्फ आउदै गरेको लु २ ख ६५७ नंको बसलाई चेक जाँच गर्ने क्रममा बसमा सवार गैडाकोट १४ का मेघराज जैसी र अनुप क्षेत्रीलाई ५९ एम्पुल डाइजापाम, ४४ एम्पुल फेनारागन र ६० एम्पुल आइपीपीएल तथा शंकास्पद १९ वटा नेपाली एक हजारको नोट सहित पक्राउ गरिएको डिएसपी पौडेलले बताए ।
प्रकाशित : २०८१ जेठ १३ गते १२:१७
Facebook Comment