कविता : घाउ नभएको मान्छे होला र ???
प्रकाशित : २०८० फागुन २४ गते ८:३१
राजन पाण्डे-
घाउ नभएको मान्छे होला र ???
देखिने घाउ,
नदेखिने घाउ,
देखाईने घाउ,
नदेखाईने घाउ,
तनको घाउ,
मनको घाउ,
आफ्नाहरुले छिचोलेको घाउ,
पराईहरुले निचोरेको घाउ,
समयले दिएको चोटको घाउ,
भाग्य र कर्मले दिएको खोटको घाउ,
शव्दहरुले डामेको घाउ,
वाटोमा छिड्के हानेर लागेको घाउ,
मुखमा राम-राम वगेलीमा छुरा हुँदा लागेको घाउ,
आँफैले आँफैलाई चिन्न नसक्दा ओरालो लागेर लागेको घाउ,
यी र यस्तै घाउ वोक्दै हिड्दो रहेछ मान्छे ।
आखिर घाउ नभएको मान्छे होला र ????
प्रकाशित : २०८० फागुन २४ गते ८:३१
Facebook Comment