दलदलेमा बस दुर्घटना
प्रकाशित : २०८० माघ २ गते ८:१५
कावासोती । नेपालगञ्जबाट काठमान्डौ जान आउदै गरेको नाइटबस नवलपुरको देवचुलीमा आज विहान ५ वजे दुर्घटनाहुँदा ४ यात्रु घाइते भएका छन् ।४० जना यात्रु बोकेर आउदै गरेको भे १ ख ४१२८ नम्बरको बस देवचुलीको अस्थायी प्रहरीपोष्ट दलदले नजिकै राजमार्गमा पल्टदा ४ यात्रु घाइते भएको जिल्ला प्रहरी कार्यालय नवलपुरले जनाएको छ ।
घाइते हुनेहरुमा जलेश्वर नगरपालिका वडा नं. १ घर भएका शनि पाण्डे, विदुर नगरपालिका वडा नं. ३ की कृतिका शाही, जुम्ला घर भएकी २३ बर्षिया अनिता नेपाली र बारबर्दिया नगरपालिका वडा नं. ५ घर भएका ३० वर्षका सुदिप केसी रहेका छन् ।
घाइतेहरुलाई उपचारको लागि भरतपुर पठाइएको प्रहरीले जनाएको छ ।
प्रकाशित : २०८० माघ २ गते ८:१५
Facebook Comment