भीमनिधी तिवारीका दुई वटा रचना नाटकका रुपमा मन्चन गरिदैँ
प्रकाशित : २०८० कार्तिक १४ गते २१:२५
कावासोती । साहित्यकार भीमनिधी तिवारीका दुई वटा रचनालाई नवलपुरमा नाटकमा रुपान्तरण गरेर मन्चन गरिने भएको छ ।
कक्षा ८ को नेपाली विषयमा पढाई साहित्यकार तिवारीको कथा अमर पुत्र र कक्षा १० को नेपाली विषयमा पढाइ हुने
एकांकी घरको मायालाई नाटकमा रुपान्तरण गरेर मन्चन गर्न लागिएको एफएमका प्रबन्ध निर्देशक दिपेश कडरियाले जानकारी दिए ।
देवचुलीको दलदलेमा रहेको ह्याप्पी एफ एमको आयोजनामा देवचुली-१७ मा रहेको वरचुली माध्यमिक विद्यालयमा मन्चन हुने नाटकको परिकल्पना तथा निर्देशन परिवर्तनको तथा प्रस्तुति पोखरा थिएटरको रहने छ ।
आगामी कार्तिक १९ गते आइतबार देखि मन्चन गरिने नाटक दैनिक बिहान १०ः३० बजे, दिउँसो १२ः१५ बजे र २ः०० बजे गरि ३ पटक मन्चन गरिने आयोजकले जानकारी दिएको छ । नाटक हेर्नको लागी विद्यार्थीहरुलाई २ सय र अन्यको लागी ३ सय रुपैंयाको टिकट दर राखिएको छ ।
यस अघि पनि एफएमले पोखरा थिएटर सँगको सहकार्यमा गत फागुन १६ र १७ गते एक चिहान नाटक मन्चन गरेको थियो ।
Facebook Comment