एसईई : मोरङमा तीन केन्द्रबाट ११६ नक्कली परीक्षार्थी पक्राउ
प्रकाशित : २०७९ चैत २३ गते १३:४३
नवलपुर । मोरङमा माध्यमिक शिक्षा परीक्षा (एसईई) दिइरहेका ११६ जना नक्कली परीक्षार्थी पक्राउ परेका छन् । जिल्ला तीन परीक्षा केन्द्रबाट उक्त संख्यामा नक्कली परीक्षार्थी पक्राउ परेका छन् ।
जिल्ला प्रहरी कार्यालय मोरङका प्रहरी उपरीक्षक दीपक पोखरेलका अनुसार अनुगमन टोलीले केराबारी, ग्रामथान र हरैँचाका परीक्षा केन्द्रबाट अरुको नाममा परीक्षा दिइरहेका उनीहरुलाई पक्राउ गरिएको हो ।
सबैभन्दा बढी सरस्वती मावि ग्रामथानबाट ५२ जना, सार्वजनिक मावि केराबारीबाट ४४ जना र जनता मावि सुन्दरहरैँचाबाट २० जना पक्राउ परेका छन् ।
नक्कली परीक्षार्थीका विषयमा आवश्यक छानबिन गरी कानुनी प्रक्रिया अगाडि बढाइने उपरीक्षक पोखरेलले जानकारी दिए ।
प्रकाशित : २०७९ चैत २३ गते १३:४३
Facebook Comment