अनेरास्ववियुको अध्यक्षमा समिक बडाल निर्वाचित
प्रकाशित : २०७९ फागुन ५ गते ८:२९
एमाले विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को अध्यक्षमा समिक बडाल निर्वाचित भएका छन् । बडालले ९ सय ६२ मत ल्याएका छन् भने उनका प्रतिद्वन्द्वी आरसी लामिछानेले ३५६ मत प्राप्त गरेका छन् ।
अनेरास्ववियुको २३ औं महाधिवेशन अन्तर्गत बिहीबार राति भएको निर्वाचनबाट महासचिवमा नरेश रोकाय चयन भएका छन् ।
त्यस्तै, उपाध्यक्षमा गोविन्द गिरि, धर्म गिरि, नारायण घर्ती र मर्यादा विष्ट निर्वाचित भएका छन् । सचिव पदमा सञ्जिव धिताल, सुजन कडरिया, प्रकाश पौडेल, दिपेश प्रसाईं,अञ्जना सिवाकोटी, आरती भट्टराई र विनिता काफ्ले निर्वाचित भएका छन् । कोषाध्यक्षमा संगम अर्याल निर्वाचत भएका छन् ।
विद्युतीय मेसिनबाट भएको निर्वाचनमा १ हजार ५ सय १७ मत खसेको थियो ।
प्रकाशित : २०७९ फागुन ५ गते ८:२९
Facebook Comment