२० क्विन्टल विशाक्त माछा नष्ट
प्रकाशित : २०७९ कार्तिक ८ गते १२:१२
नारायण शर्मा/नवलपरासी — भारतबाट भित्र्याइएको अवैध २० क्विन्टल माछा प्रहरीले बरामद गरेको छ । जिल्ला प्रहरी कार्यालय पूर्वी नवलपरासीका अनुसार भारतबाट फर्मालिन ( माछा ताजा देखाउन राखिने औषधि) राखेर ल्याइएको माछा बरामद भएको हो ।
फार्मालिन राखेको माछा विषाक्त मानिन्छ । पश्चिम नवलपरासीको प्रतापुर गाउँपालिकामा रहेको क्वारेन्टाइनबाट कात्तिक ६ गते बनाइएको कागजातमा काठमाडौं कालीमाटी लैजाने भनिएको छ । प्रतापपुरबाट ल्याएको भनिएको माछाको कागजात नक्क्ली देखिएको छ ।
कात्तिक ६ गते लु २ च ६९०३ नम्बरको ट्रकबाट काठमाडौं कालीमाटी लैजाँदै गरेको माछा प्रहरीले बरामद गरेको हो । बरामद गरेको माछा जिल्ला प्रहरी कार्यालय कावासोती हातामा अहिले गाडिएको छ । माछामा दुर्गन्ध आइसकेको प्रहरीको भनाइ छ । भारतबाट ल्याइने माछा यहाँकै पाखरीको भन्दै ढाँटेर बेच्ने गरिएको छ ।
प्रकाशित : २०७९ कार्तिक ८ गते १२:१२
Facebook Comment