नवौँ राष्ट्रिय खेलकुद : कुस्ती र सेपाकताक्रो शनिबार देखि नवलपुरमा
प्रकाशित : २०७९ असोज २८ गते १८:२८
कावासोती । नवौँ राष्ट्रिय खेलकुद प्रतियोगिता अन्तर्गत शनिबार देखि यहाँ सुरु हुने कुस्ती र सेपाताक्रोको सबै तयारी पूरा भएको छ । कावासोती स्थित रहेको योङ्ग स्टार क्लबको कर्भडहलमा सेपाताक्रो र कुस्ति थारु राष्ट्रिय संग्रहालय डन्डाको सभाहलमा सञ्चालन हुने सो खेलका लागि पूर्वाधार र व्यवस्थापकीय तयारीका काम सकिएको जनाइएको छ ।
खेलस्थल सुधार, सामग्री व्यवस्थापन, साज सज्जा देखि खेलाडी, प्राविधिक लाई आवास सम्मको प्रबन्ध भइसकेको नेपाल सेपाताक्रोका केन्द्रीय अध्यक्ष एवं सेपाताक्रो खेल संयोजक नेत्र गुुरुङ्गले जानकारी दिनुभयो । उहाँका अनुसार शनिबार बिहान ७ बजे विशेष समारोहमा प्रतियोगिता शुभारम्भ गरिनेछ ।
प्रतियोगिता व्यवस्थापनका लागि जिल्ला खेलकुद विकास समिति नवलपुरका सदस्यहरु व्यवस्थाकीय तयारीका काममा सक्रिय हुनुहुन्छ । कात्तिक २ गतेसम्म चल्ने प्रतियोगितामा कुस्ती तर्फ ( पुरुष ९१ र महिला ६९) र सेपाताक्रो तर्फ ९८ र कुस्ती तर्फ जना खेलाडीले भाग लिनेछन् ।
अधिकांश टिमका खेलाडी र प्राविधिक बिहीबार नै जिल्लामा आइसकेको प्रतियोगिता व्यवस्थापन समितिले जनाएको छ ।
Facebook Comment