लगातारकाे वर्षाले नारायणगढ- मुग्लिन सडकखण्ड दुईतर्फी रुपमा अवरुद्ध
प्रकाशित : २०७९ असोज २० गते ११:११
काठमाडौं । लगातारकाे वर्षाले नारायणगढ- मुग्लिन सडकखण्ड दुईतर्फी रुपमा अवरुद्ध भएको छ । भरतपुर महानगरपालिका–२९ सत्र किलोमा लेदोसहितको पहिरो खसेको जिल्ला प्रहरी कार्यालयले जनाएको छ ।
कार्यालयका प्रवक्ता तथा प्रहरी नायब उपरीक्षक विजयराज पण्डितका अनुसार आज बिहान ८ः२० बजे लेदोसहितको पहिरो खसी सडक दुईतर्फी सडक अवरुद्ध भएको हो ।
सडक अवरुद्ध भएसँगै नारायणगढ–मुग्लिन सडक भएर चल्ने सवारी साधन र यात्रु बाटोमा अलपत्र परेका छन् । सडकमा खसेको पहिरो पन्छाउन सडक विभागसँग समन्वय भइरहेको कार्यालयले जनाएको छ ।
यस्तै नागढुङ्गा नाका भन्दा तल सुरुङ मार्ग स्थित सडकमा आज बिहान ८:३० बजे पहिरो खसेको कारण दुई तर्फी रुपमा सवारी आवागमन अवरुद्ध भएको छ ।
नुवाकोटको बेलकोटगढी नगरपालिका ७ बुद्धसिंहघाटमा पनि आज बिहान ५:३० बजे सडकमा पहिरो खस्दा गल्छी त्रिशुली सडकखण्ड अवरुद्ध भएको छ ।
सडक खुलाउने प्रयास जारी रहेको प्रहरीले जनाएको छ ।
प्रकाशित : २०७९ असोज २० गते ११:११
Facebook Comment