अछाम पहिरो : मृत्यु हुनेको संख्या १७ पुग्यो, ६ जना अझै बेपत्ता
प्रकाशित : २०७९ असोज १ गते १४:२४
अछाम । अछाममा पहिरो परी मृत्यु हुनेको संख्या १७ पुगेको छ। ११ जना घाइतेको उद्धार गरिएको छ। ६ जना अझै बेपत्ता रहेका जिल्ला प्रशासन कार्यालय अछामले जनाएको छ।
कमलबजार नगरपालिका ६ मा ७ जना, वडा नं. ८ मा ५ जना, यस्तै तुर्माखाँद गाउँपालिकामा ५ मा ४ जना र ढकारी गाँउपालिका ६ मा एकजनाको शव फेला परेको छ। ढकारीका ३ जना घाइतेको थप उपचारका लागि हेलिकप्टर मार्फत सुर्खेत पठाइएको निमित्त प्रमुख जिल्ला अधिकारी दिपेश रिजालले बताए।
तुर्माखाँद गाँउपालिकाका ५ जना र ढकारी गाँउपालिकाका एक जना अझै बेपत्ता रहेका छन्। तुर्माखादँमा पहिरोले २ घर पुरिएका छन् भने कमलबजारमा २ घर र ढकारीमा एकघर पुरिएको छ।
प्रकाशित : २०७९ असोज १ गते १४:२४
Facebook Comment