तीजको नाचगान गरिरहेका दुई जना किशोरीको चट्याङ लागेर मृत्यु
प्रकाशित : २०७९ भदौ १५ गते १३:५४
नवलपुर । दाङमा चट्याङ लागेर मंगलबार राति तीजको नाचगान गरिरहेका दुई जना किशोरीको मृत्यु भएको छ ।
चट्याङ लागेर घोराही उपमहानगरपालिका- १२ गुरौगाउँको सालडाँडामा २ जना किशोरीको मृत्यु भएको जिल्ला प्रहरी कार्यालय दाङका प्रवक्ता प्रहरी नायब उपरीक्षक राजन गौतमले जानकारी दिए ।
गुरौगाउँका १६ वर्षीय दीपा घर्ती र १९ वर्षीय मोनिसा शाहको चट्याङ लागेर मृत्यु भएको उनले बताए ।
घटनामा एकदर्जनभन्दा बढी महिला घाइते भएको र उनीहरुमध्ये दुई जनाको अवस्था गम्भीर रहेको प्रहरी नायब उपरीक्षक गौतमले जानकारी दिए ।
प्रकाशित : २०७९ भदौ १५ गते १३:५४
Facebook Comment