मलेसियाविरुद्ध नेपालको सहज जित
प्रकाशित : २०७८ चैत १६ गते १५:२१
काठमाडौं । घरेलु मैदानमा आयोजित त्रिकोणात्मक टि–२० सिरिजमा नेपालले दोस्रो जित हात पारेको छ ।
बलिङ र ब्याटिङमा उत्कृष्ट प्रदर्शन गर्दै मलेसियाविरुद्ध नेपालले ६ विकेटको जित निकालेको हो ।
त्रिवि क्रिकेट मैदानमा मलेसियाले दिएको १ सय १५ रनको लक्ष्य नेपालले १३.४ ओभरमा ४ विकेट गुमाएर पुरा गर्दै १ सय १७ रन बनायो ।
नेपालका लागि ओपनर आसिफ शेखले सर्वाधिक ५७ रनको योगदान गरे । उनले ३८ बल खेल्दै ७ चौका र १ छक्का प्रहार गरे । आसिफको करिअरको यो दोस्रो अर्धसतक हो ।
अर्का ओपनर कुशल भुर्तेल ६ बल खेल्दै १ रन बनाएर आउट हुदा आसिफले तेस्रो नम्बरमा क्रिजमा आएका ब्याटर दिपेन्द्रसिंह ऐरीसँग ७० रनको साझेदारी गरेका थिए । दिपेन्द्रले २१ रनको योगदान गरे ।
प्रकाशित : २०७८ चैत १६ गते १५:२१
Facebook Comment