संखुवासभामा बस दुर्घटना अपडेट : मृतकको संख्या १३ पुग्यो
प्रकाशित : २०७८ फागुन २६ गते १०:०८
काठमाडौं । संखुवासभामा बस दुर्घटनामा परेको छ । संखुवासभाबाट झापातर्फ जाँदै गरेको बा ४ ख ७३५ नम्बरको बस बिहानै दुर्घटनामा परेको प्रहरीले जनाएको छ ।
सातघुम्ती भन्ने स्थानमा दुर्घटनामा परेको प्रहरीले जनाएको छ ।
संखुवासभाका प्रमुख जिल्ला अधिकारी नुरहरी खतिवडाले दिएको जानकारीअनुसार अहिलेसम्म दुर्घटनामा १३ जनाको मृत्यु भएको पुष्टि भएको छ ।
त्यसमध्ये ९ जना पुरुष र ४ जना महिला भएको उनले जानकारी दिए । घाइते पाँचजनालाई अस्पताल लगिएको छ । अहिले पनि उद्धार कार्य जारी रहेको उनले जानकारी दिए ।
प्रकाशित : २०७८ फागुन २६ गते १०:०८
Facebook Comment