देउवाले एमालेसँग छलफल गर्न समय मागेपछि संसद् बैठक भोलिसम्मका लागि स्थगित
प्रकाशित : २०७८ फागुन १२ गते १४:१०
प्रधानमन्त्री शेरबहादुर देउवाको आग्रहमा प्रतिनिधि सभाको बैठक सूचना टाँसेर स्थगित भएको छ ।
बिहीवार दिउँसो १ बजेका लागि बोलाइएको बैठक सूचना टाँसेर भोलि दिउँसो १ बजेसम्मका लागि स्थगित भएको संसद् सचिवालयका प्रवक्ता डा. रोजनाथ पाण्डेले जानकारी दिए ।
आजको बैठकमा एमसीसीका सम्बन्धमा छलफल गर्ने कार्यसूची थियो ।
देउवाले प्रमुख प्रतिपक्षी दल एमालेसँग छलफलका लागि भन्दै सभामुखसँग समय मागेको सचिवालय स्रोतले जानकारी दियो ।
प्रकाशित : २०७८ फागुन १२ गते १४:१०
Facebook Comment