भारतमा मंगलबार १ लाख ६७ हजार संक्रमित थपिए
प्रकाशित : २०७८ पुष २७ गते १३:०४
दिल्ली । पछिल्लो २४ घण्टामा भारतमा १ लाख ६७ हजार कोरोनाभाइरसका संक्रमित थपिएका छन् । भारतको स्वास्थ्य मन्त्रालयका अनुसार ६९ हजार ७९८ संक्रमित निको भएका छन् ।
सोही अवधीमा थप २७७ जनाको मृत्यु भएको छ । सोमबारभन्दा आज ९७ हजार ४७५ संक्रमित थपिएका हुन् । अहिले भारतभर ८ लाख संक्रमित उपचार गराइरहेका छन् ।
आठदिन अघि यो आँकडा एकलाख मात्र थियो । पाँचदिनदेखि भारतमा संक्रमित संख्या १ लाखभन्दा माथि छ । राजधानी दिल्लीमा सबै निजी कार्यालय र रेष्टुरेन्ट बन्द गर्न आदेश दिइएको छ ।
मानिसलाई घरबाट काम गर्न अनुमति दिइएको छ । मुख्यमन्त्री अरविन्द केजरीवालले संक्रमितलाई योग कक्षा सुरु गर्न निर्देशन दिएका छन् । संक्रमितलाई वेब–लिंक पठाइने भएको छ ।
प्रकाशित : २०७८ पुष २७ गते १३:०४
Facebook Comment