शुक्रबार एकैदिनमा ९६८ जना कोरोना संक्रमित थपिए
प्रकाशित : २०७८ पुष २३ गते १६:५४
काठमाडौं । पछिल्लो २४ घण्टामा मुलुकमा ९६८ जना कोरोनाभाइरस संक्रमित थपिएका छन् । स्वास्थ्य मन्त्रालयका अनुसार १४ हजार ९७१ कूल नमुना परीक्षण (८२७२ पीसीआर र ६६९९ एन्टीजेन) गर्दा ती संक्रमित थपिएका हुन् ।
कोभिड संक्रमणको कारण आज कुनै मृत्यु भएको छैन । पछिल्लो २४ घण्टामा २६२ जना निको भएका छन् ।
सक्रिय संक्रमित संख्या ५७४१ पुगेको छ । आज २ लाख ६३ हजार जनाले कोभिडविरुद्धको खोप लगाएका छन् ।
आजको दैनिक संक्रमणदर झन्डै ७ प्रतिशत पुगेको छ ।
काठमाडौं उपत्यकाका तीन जिल्लामा ३६९ जना संक्रमित थपिएका छन् । काठमाडौंमा २८४, ललितपुरमा ६२ र भक्तपुरमा २३ जना संक्रमित थपिएका छन् ।
प्रकाशित : २०७८ पुष २३ गते १६:५४
Facebook Comment