बैतडीमा जीप दुर्घटना हुँदा नवविवाहित जोडीसहित चार जनाको मृत्यु
प्रकाशित : २०७८ मंसिर २० गते २०:३९
बैतडीमा सोमबार साँझ जीप दुर्घटना हुँदा नवविवाहित जोडीसहित चार जनाको मृत्यु भएको छ । बैतडीको पाटन बजारबाट पाटन नगरपालिका ७ कैलपालतर्फ जाँदै गरेको से १ ज ८८८ नम्बरको जीप पाटन नगरपालिका १ सकार खोलामा दुर्घटनामा परेको प्रहरीले जानकारी दिएको छ ।
दुर्घटनामा पाटन ७ कैलपाल माइत भएकी २० वर्षीया मनिषा विक र उनका श्रीमान् २४ बर्षीय प्रेम चुनारा, पाटन नगरपालिका १ सकारका १३ वर्षीय विनोद भट्टराई र सोही ठाउँकी ७२ वर्षीया रमा भट्टराईको मृत्यु भएको इलाका प्रहरी कार्यालय पाटनका प्रमुख प्रहरी निरीक्षक राजेश शाहीले जानकारी दिए ।
प्रकाशित : २०७८ मंसिर २० गते २०:३९
Facebook Comment