मोरङको बुढीगंगाकी सुस्मिता ऋषिदेव बनिन् १ दिने गाँउपालिका प्रमुख
प्रकाशित : २०७८ भदौ २९ गते १८:०१
विराटनगर । मोरङको बुढीगंगा गाँउपालिकामा १६ वर्षीया सुस्मिता ऋषिदेवलाई एकदिने गाँउपालिका प्रमुख बनाइएको छ । ५७ औं राष्ट्रिय बाल दिवसको अवसरमा गाँउपालिकाका अध्यक्ष बालचन्द्र माझीले उनलाई एकदिने अध्यक्षको जिम्मेवारी लिखित रुपमै हस्तान्तरण गरेका हुन् ।
पद वहाली लगत्तै उनकै अध्यक्षतामा गाँउपालिकाको कार्यपालिका बैठक समेत बसेको थियो । ५७ औं राष्ट्रिय बाल दिवसको अवसरमा एकदिने कार्यभार हस्तान्तरण गर्दै बुढी गंगा गाँउपालिकाका अध्यक्ष माझीले बालवालिकालाई स्थानीय तहको काम कर्तव्य र अधिकारका बारेमा जानकारी हुुनुका साथै व्यावहारिक ज्ञान पनि हुने भएकाले यस्तो अभ्यास गरिएको बताए ।
सुस्मिताले आज एक दिन सो गाँउपालिकामा अध्यक्षले गर्ने सबैै काम गर्नुका साथै गाँउपालिकाको एउटा स्वास्थ्य केन्द्र र विद्यालयको अुगमन समेत गरेकोे गाँउपालिकाका प्रमुख प्रशासकीय अधिकृत डम्बरुवल्लभ बरालले जानकारी दिए ।
Facebook Comment