कारको ठक्करबाट चितवनमा एकको मृत्यु, तीन जना घाइते
प्रकाशित : २०७८ असार २५ गते १७:४८
चितवन । कारले स्कुटरलाई ठक्कर दिदा चितवनमा एक बालकको मृत्यु भएको छ ।
स्कुटरमा बसेका खैरहनी- १२ का ५ वर्षिय आरुष अधिकारीको पुरानो मेडिकल कलेजमा उपचारका क्रममा दिउँसो ३:३५ बजे मृत्यु भएको छ भने तीन जना घाइते छन् ।
पूर्वपश्चिम राजमार्ग अन्तर्गत राप्ती-३ झुरझुरेमा भण्डाराबाट नारायणगढ आउदै गरेको बा १९ च ७९८६ नम्बरको कारले विपरित दिशाबाट आइरहेका दुई स्कुटरलाई दिउँसो ३:१० बजे ठक्कर दिएको थियो ।
दोस्रो स्कुटरका चालक रत्ननगर- १५ का १८ वर्षिय निशान भट्टराई र स्कुटरमा बसेका सोही ठाउका २० वर्षिय सन्तोष पोखरेल घाइते छन् । घाइते सबैको अवस्था मध्यम रहेको चितवन प्रहरिले जनाएको छ ।
प्रकाशित : २०७८ असार २५ गते १७:४८
Facebook Comment