गण्डकीमा मुख्यमन्त्री पोखरेलले बजेट प्रस्तुत गर्ने, पूर्वमुख्यमन्त्रीलाई सुविधा दिने
प्रकाशित : २०७८ जेठ ३० गते १२:२१
पोखरा, ३० जेठ । गण्डकी प्रदेश सरकारको बजेट मुख्यमन्त्री कृष्ण चन्द्र नेपाली पोखरेलले नै प्रस्तुत गर्ने भएका छन् ।
सरकारका प्रवक्ता विनाविभागीय मन्त्री कुमार खड्काले मुख्यमन्त्री कृष्णचन्द्र नेपाली पोखरेलले बजेट प्रस्तुत गर्ने बताए । बजेटको नीति तथा कार्यक्रम पनि पोखरेलले नै वाचन गर्नेछन् ।
छोटो समयमा सरकारको नीति तथा कार्यक्रम र बजेट ल्याउनुपर्ने बाध्यतामा रहेका उनले निवर्तमान मुख्यमन्त्री पृथ्वीसुब्बा गुरुङसँग छलफल गरेर अघि बढ्ने सरकारका प्रवक्ता खड्काले बताएका छन् ।
मन्त्रिपरिषद बैठकले पूर्व मुख्यमन्त्रीलाई दिनुपर्ने सम्मानबारे ऐन बनाएर अघि बढ्नेबारे पनि निर्णय गरेको प्रवक्ता खड्काले जानकारी दिएका छन् ।
प्रवक्ता खड्काले नवगठित सरकारले चाँडै विश्वासको मत लिने योजनामा रहेकोसमेत जानकारी दिएका छन् । उनले प्रमुख प्रतिपक्षीसँग समन्वय गरेर सरकार अगाडि बढ्ने बताएका छन् ।
Facebook Comment