गण्डकीका मुख्यमन्त्री नेपालीले लिए शपथ
प्रकाशित : २०७८ जेठ २९ गते २०:३५
पोखरा । गण्डकी प्रदेशका नवनियुक्त मुख्यमन्त्री कृष्णचन्द्र नेपाली पोखरेलले शपथ लिएका छन् ।
उनलाई प्रदेश प्रमुख सीता पौडेलले शपथ खुवाएकी हुन् ।
प्रदेश प्रमुख सीताकुमारी पौडेलले संविधानको धारा १६८ उपधारा ५ बमोजित नेपालीलाई मुख्यमन्त्रीमा आजै नियुक्त गरेकी थिइन् ।
मुख्यमन्त्री पोखरेलले एक महिनाभित्र प्रदेशसभाबाट विश्वासको मत लिनुपर्नेछ ।
पाँच जना मन्त्री नियुक्त
नवनियुक्त मुख्यमन्त्री पोखरेलले आफू सहित पाँच जनालाई मन्त्रीको जिम्मेवारी बाडफाड गरेका छन् ।
कांग्रेसबाट कुमार खड्का, नेकपा माओवादी केन्द्रबाट मधुमाया अधिकारी गुरुङ, जनता समाजवादीका हरिशरण आचार्य र स्वतन्त्र सांसद राजीव गुरुङ मन्त्री नियुक्त भएका छन् । उनीहरुले पाउने मन्त्रालय भने तोकिएको छैन ।
प्रकाशित : २०७८ जेठ २९ गते २०:३५
Facebook Comment