दमौलीमा संचार माध्यमलाई प्रतिबन्ध लगाएको प्रती महासंघको आपत्ति
प्रकाशित : २०७८ वैशाख २८ गते १६:३४
पोखरा : नेपाल पत्रकार महासंघ गण्डकी प्रदेश समितिले तनहुँको दमौलीबाट प्रकाशन हुने दमौली न्युज डटकम लाई प्रकाशनमा रोक लगाएको प्रती आपत्ती प्रकट गरेको छ । सो अनलाइनले दमौली अस्पतालमा भएको लापरबाही बारे समाचार प्रकाशन गरेको थियो ।
” समाचारका बारेमा चित्त नबुझे कानुनी उपचारमा जाने बाटो हुँदाहुदै अनलाईन नै रोक्नु प्रेस स्वतन्त्रता को हनन हो ।
हामी दोषी माथि छानबिन गरि हदै सम्मको कारबाही को माग गर्दछौ ।” महासंघका अध्यक्ष नारायणप्रसाद शर्माद्वारा मङलबार जारी बिज्ञप्तीमा भनिएको छ ।
महासंघले प्रेस स्वतन्त्रता बिरोधी कुनै पनि क्रियाकलाप आफुहरुलाई मान्य नहुने भन्दै दमौली घटनाको छानबिनको माग गरेको छ ।
“प्रेसलाई संकुचित गर्ने र नियन्त्रण गर्ने कुरा मान्य हुदैन ,तनहुँको घटनाको न्यायायोचित छानबिन होस् । हामी स्वतन्त्र प्रेसको पक्षमा छौं । ” शर्माले भने ।
पछिल्लो समय प्रेस स्वतन्त्रता बिरुद्दको घटना बढेको भन्दै शर्माले स्वतन्त्र प्रेस का लागि महासंघ आन्दोलनमा उत्रने बताए ।
उनले दमौली न्युज डटकम लाई निर्बाध रुपमा समाचार सम्प्रेषण गर्ने वातावरण बनाउन आग्रह गरेका छन् ।
Facebook Comment