चितवनको राप्तीमा ट्याक्टर दुर्घटना हुँदा पाँच जनाको मृत्यु
प्रकाशित : २०७७ चैत २९ गते २१:४७
चितवन । चितवनको राप्ती नगरपालिका–११ चिउरीटार खोलामा ट्याक्टर दुर्घटना हुँदा पाँच जनाको मृत्यु भएको छ ।
उपचारको क्रममा पुरानो मेडिकल कलेजमा चार जना र भरतपुर अस्पतालमा एक जनाको मृत्यु भएको जिल्ला प्रहरी कार्यालय चितवनका प्रवक्ता सूर्य थापाले जानकारी दिए ।
ना १ च ६२८२ नम्बर ट्याक्टर दुर्घटना आज साँझ दुर्घटनामा परेको थियो । ट्याक्टरमा २२ जना भन्दा बढी सवार थिए । केही घाइतेहरुलाई अझै भरतपुर ल्याउने क्रम जारी रहेको प्रवक्ता थापाले जानकारी दिए ।
घाइते मध्ये केहीको अवस्था गम्भिर छ । राप्ती नगरपालिका–११ मा घर ढलान गरेर फर्किने क्रममा ट्याक्टर दुर्घटनामा परेको हो ।
प्रकाशित : २०७७ चैत २९ गते २१:४७
Facebook Comment