पहिलो एकदिवसीय खेलमा भारत ६६ रनले विजयी
प्रकाशित : २०७७ चैत १० गते २२:३२
तीन खेलको एकदिवसीय शृङ्खालको पहिलो खेलमा भारतले इङ्ल्याण्डलाई ६६ रनले पराजित गरेको छ । जीतसँगै भारतले शृङ्खालमा १–० अग्रता लिएको छ ।
टस हारेर पहिलो ब्याटिङ गर्दै भारतले ६ विकेटको क्षतिमा ३१७ रन बनाएको थियो । जवाफमा इङ्ग्ल्याण्ड मात्र ४२.१ ओभरमा २५१ रनमा समेटियो । एक समय इङ्ल्याण्डले बिना विकेटको क्षतिमा १३५ रन बनाएको थियो । जीतर्फ अघि बढिरहेको इङ्ल्याण्डलाई सस्तोमा समेट्न डेब्यू गरिरहेका प्रसिद्ध कृष्ण र शार्दूल ठाकुरले मिलेर ७ विकेट लिए । कृष्णाले ४ तथा शार्दूलले ३ विकेट लिए ।
योसँगै डेब्यू एकदिवसीय खेलमा ४ विकेट लिने कृष्णा पहिलो भारतीय खेलाडी बनेका छन् । यसअघि १६ भारतीय खेलाडीले डेब्यूमा ३–३ विकेट लिएका थिए । इङ्ल्याण्डका लागि जोनी बेयरस्टोले ६६ बलमा ९४ रन बनाए भने ओपनर जेसन रोयले ३५ बलमा ४६ रनको योगादन दिए ।
यसअघि भारतका लागि शिखर धवनले ९८ रन तथा कप्तान विराट कोहलीले ५६ रन बनाए । त्यस्तै, क्रुणाल पान्ड्याले ५८ तथा लोकेश राहुले ६२ रनको योगदान दिए । इङ्ल्याण्डका लागि बेन स्टोक्सले ३ तथा मार्क वुडले २ विकेट लिए ।
Facebook Comment