मोडलिङका दिनमा यस्ती देखिन्थिन दिपिका पादुकोण, हेर्नुहोस तस्बिर

NAWALPUR TIMES
प्रकाशित : २०७७ पुष २२ गते २२:०५
मोडलिङका दिनमा यस्ती देखिन्थिन दिपिका पादुकोण, हेर्नुहोस तस्बिर

बलिउड नायिका दीपिका पादुकोणले इन्डष्ट्रिमा निकै लामो यात्रा निश्चित गरिसकेकी छिन् । बलिउडमा उनले आफ्नो एक विशेष स्थान बनाएकी छिन् । नायिकाले शाहरुख खानसँग फिल्म ‘ओम शान्ति ओम’मार्फत् बलिउडमा डेब्यू गरेकी थिइन् । फिल्म सन् २००८ मा रिलिज भएको थियो । त्यसपछि दीपिकाले ‘लभ आज कल’, ‘ककटेल’, ‘ये जवानी हे दिवानी’, ‘चेन्नई एक्सप्रेस’, ‘पीकू’, ‘बाजीराव मस्तानी’ र ‘पद्मावत’समेत थुप्रै फिल्ममा काम गरिन् ।

 

डेनमार्कमा भएको थियो जन्मः

दीपिकाको जन्म सन् १९८६ जनवरी ५ मा डेनमार्कको कोपेनहेगन शहरमा भएको थियो । दीपिका अन्तर्राष्ट्रिय ब्याडमिन्टन खेलाडी प्रकाश पादुकोणकी छोरी हुन् । उनकी आमा उजाला ट्राभल एजेन्ट हुन् र बहिनी अनिशा गोल्फ खेलाडी हुन् । दीपिका एक वर्षकी हुँदा उनका आमाबुवा बेंगलुरु सिफ्ट भएका थिए ।

पढाई छोडेर मोडलिङमा आइन्ः

बेंगलुरुको सोफिया हाइस्कूलमा स्कूलिङ र माउन्ट कार्मल कलेजबाट प्रि–युनिभर्सिटीको पढाई पूरा गरिन् । त्यसपछि दीपिकाले बीए गर्ने उद्देश्यले इन्दिरा गान्धी नेशनल ओपन युनिभर्सिटीमा भर्ना लिइन् तर पढाई बीचमा नै छोडेर उनी मोडलिङमा आइन् ।

८ वर्ष हुँदादेखि गरिन् कामः

दीपिकाले आफ्नो करियरको सुरुवात निकै सानो उमेरदेखि नै गरिन् । दीपिका ८ वर्षकी उमेरमा विभिन्न विज्ञापनमा देखिइन् । त्यसपछि किशोरावस्थामा उनले लिरिल र क्लोज अप जस्ता थुप्रै ब्रान्डका लागि विज्ञापन गरिन् ।

साउथ फिल्मबाट सुरु गरिन् करियरः

सन् २००६ मा दीपिकाले कन्नड फिल्म ऐश्वर्याबाट पर्दामा इन्ट्रि गरिन् । यो फिल्म सफल रह्यो । त्यसको वर्षदिन पछि शाहरुख खानको अपोजिटमा फिल्म ‘ओम शान्ति ओम’ मा उनले ब्रेक पाइन् । थुप्रै फिल्ममा उत्कृष्ट अभिनय गरेर उनी दर्शकको प्रिय बनिन् ।

 

प्रकाशित : २०७७ पुष २२ गते २२:०५
Copyright © 21 Integreated Media Company Pvt. ltd., All Rights Reserved.
Website by: SAROJ BHATTARAI