आजबाट गण्डकी प्रदेशको विषेश अधिवेशन
प्रकाशित : २०७७ पुष २१ गते ११:१४
आजबाट गण्डकी प्रदेश सभाको विशेष अधिवेशन सुरु हुँदैछ ।
गत ३० मंसिरमा नेपाली कांग्रेस र जनता समाजवादी पार्टीले कोभिड १९ को उपचार, नियन्त्रण, व्यवस्थापन, मूल्यवृद्धि, बेरोजगारी लगायतका विषयमा सरकारको जवाफ माग्दै विशेष अधिवेशन बोलाउन प्रदेश प्रमुखसमक्ष माग गरेका थिए ।
त्यसै अनुसार आज १ बजे विशेष अधिवेशन बोलाइएको हो ।
प्रदेश सभाको विशेष अधिवेशनमा सार्वजनिक महत्वको विषय बनाउने कि संकल्प प्रस्ताव पेश गर्ने भन्ने विषयमा सोमबार दलबीच मत बाझिएको थियो ।
दलबीच मत बाझिँदा विशेष अधिवेशनको कार्यसूची टुंगो लगाउन नसकी गण्डकी प्रदेशसभा कार्य व्यवस्था परामर्श समितिको सोमबारको बैठक सकिएको थियो ।
प्रकाशित : २०७७ पुष २१ गते ११:१४
Facebook Comment