बर्दिबासमा प्रहरीको गोली लागेर घाइते भएका न्यौपानेको निधन
प्रकाशित : २०७७ मंसिर १० गते ८:००
काठमाडौं । महोत्तरीको बर्दिबासमा प्रहरीको गोली लागेर घाइते भएका बुद्धिराज न्यौपाने ‘संजय’को निधन भएको छ ।
हेलिकप्टरबाट काठमाडौँ ल्याइएका उनको उपचारको क्रममा ग्रान्डी अस्पतालमा उपचारको क्रममा गएराति १२ बजेर ४ मिनेटमा मृत्यु भएको अस्पतालले जनाएको छ ।
महोत्तरीको बर्दिबास— १४ शुभम बस्ती निवासी ६ वर्षीय बालिका गुलाब खातुनको हत्या भएपछि आन्दोलनमा उत्रिएका घाइते ३ जनालाई उपचारको लागि काठमाडौँ ल्याइएको थियो ।
६ वर्षीय बालिका गुलाब खातुनको हत्या भएपछि आन्दोलनमा उत्रिएका स्थानियहरुको भिड नियन्त्रणमा लिनका लागि प्रहरीले गोली चलाएको थियो ।
बालिकालाई बलात्कारपछि हत्या गरिएको र प्रहरीको समेत मिलेमत्तो रहेको भन्दै स्थानियहरु आन्दोलित भएका थिए ।
बालिकाको हत्या भएपछि स्थानियहरु विरोधमा उत्रिएका थिए । गएराती खातुनको शव फेला परेपछि स्थानियहरु आक्रोशित भएका थिए ।
साथै, स्थानीयले बालिका हत्या आरोपित भनिएका बर्दिबास, गौशला ५ का २५ वर्षीय अरुण कुमार शाहलाई प्रहरीले पक्राउ गरिसकेको छ । उनलाई प्रहरीले संरक्षण गरिरहेको भन्दै आन्दोलित भएक स्थानियले शाहको घर समेत जलाएका छन् । उनको घर जलाएपछि स्थिति असामान्य भएको थियो ।
महोत्तरीको बर्दिबास— १४ शुभम बस्तीबाट आइतबार साँझदेखिख हराएकी शहिद आलमका छोरी गुलाब साह खातुनको शव बोरामा राखेर झाडीमा फालेको अवस्थामा सोमबार मध्य रातमा भेटिएको थियो ।
Facebook Comment