गत २४ घण्टामा २ हजार ४४ जना कोरोना संक्रमित डिस्चार्ज
प्रकाशित : २०७७ असोज १७ गते १७:२३
नेपालमा गत २४ घण्टामा २ हजार ४४ जना कोरोना संक्रमित उपचारपछि डिस्चार्ज भएका छन्। यो सँगै नेपालमा उपचारपछि निको हुनेको संख्या ६२ हजार ७ सय ४० पुगेको छ।
निको हुनेको संख्या कुल संक्रमणको ७४ दशमलव १ प्रतिशत रहेको स्वास्थ्य तथा जनसंख्या मन्त्रालयले जनाएको छ। डिस्चार्ज हुनेको संख्या सबैभन्दा धेरै प्रदेश २ मा छ। प्रदेश २ मा मात्र १४ हजार २ सय १५ जना संक्रमण मुक्त भएका छन्।
प्रदेश १ मा ५ हजार ६ सय ५५, बागमतीमा ९ हजार ६ सय ५६, गण्डकीमा ३ हजार ५ सय ९९, प्रदेश ५ मा ९ हजार ३ सय ४६, कर्णालीमा ३ हजार १ सय ५५ र सुदूरपश्चिम प्रदेशमा ७ हजार १ सय १४ जना निको भएको मन्त्रालयले जनाएको छ।
कुल संक्रमितमध्ये २१ हजार ३ सय २ जना सक्रिय संक्रमित छन्। जसमध्ये ११ हजार ५ सय २९ होम आइसोलेसन र ९ हजार ७ सय ७३ जना संस्थागत आइसोलेसनमा छन्।
प्रकाशित : २०७७ असोज १७ गते १७:२३
Facebook Comment