मकवानपुरमा पहिरोमा स्कारपियो र मोटरसाइकल पुरिए, एकको मृत्यु
प्रकाशित : २०७७ असोज ७ गते १३:२९
काठमाडौं । मकवानपुरको इन्द्रसरोवर गाउँपालिका २ मा सवारीसाधन पहिरोले पुरिँदा एकजनाको मृत्यु भएको छ । दुईजना घाइते भएका छन् ।
काठमाडौंबाट हेटौंडातर्फ जाँदै गरेको बा.१७च ४८७४ नम्बरको स्कारपियो जिप र बा.९७प ४८५१ नम्बरको मोटरसाइकललाई पहिरोले पुरेको हो । पहिरोले पुरिँदा जिपमा सवार चालकछेवैको सिटमा बसेका एकजना पुरुषको मृत्यु भएको हो ।मृतकको परिचय खुल्न नसकेको प्रहरीले जनाएको छ । मोटरसाइकलमा सवार दुईजना भने घाइते भएकाले उनीहरुलाई उपचारको लागि काठमाडौं ल्याइएको छ ।
प्रकाशित : २०७७ असोज ७ गते १३:२९
ताजा अपडेट
Facebook Comment