बन्चरो प्रहार गरेर श्रीमानको हत्या
प्रकाशित : २०७७ साउन ११ गते २१:४१
बाँकेमा श्रीमतीले बञ्चरो प्रहार गरी श्रीमानको हत्या गरेकी छन्।
जिल्लाको खजुरा गाउँपालिका वडा नम्बर ६ निवासी ६५ वर्षीया मिछिया थारुले ७५ वर्षीय श्रीमान लक्षिराम थारुको हत्या गरेको जिल्ला प्रहरी प्रवक्ता सुवास खड्काले जानकारी दिए।
डिएसपी खड्काका अनुसार आइतबार दिउँसो सवा ३ बजेतिर सामान्य घरायसी विवादका क्रममा मिछियाले श्रीमानलाई बञ्चरो प्रहार गरेकी थिइन्। बञ्चरो प्रहारबाट लक्षिरामको टाउको, खुट्टा र हातमा गहिरो चोट लागेको र उनको घटनास्थलमै मृत्यु भएको डिएसपी खड्काले बताए।
खवर पाएपछि प्रहरी थारुको घर पुग्दा उनको मृत्यु भइसकेको अवस्था थियो,’ डिएसपी खड्काले भने। अभियुक्त थारुलाई नियन्त्रणमा लिएर अनुसन्धान भइरहेको प्रहरीले जनाएको छ।
प्रकाशित : २०७७ साउन ११ गते २१:४१
Facebook Comment