भरतपुर अस्पतालमा कोरोना संक्रमितको मृत्यु
प्रकाशित : २०७७ असार १३ गते ११:०२
चितवन : चितवनमा शनिबार बिहान कोरोना सङ्क्रमितको मृत्यु भएको छ । भरतपुर अस्पतालको कोभिड–१९ आइसीयूमा शनिबार बिहान सात बजे कोरोनाका बिरामीको मृत्यु भएको भरतपुर अस्पताल कोभिड–१९ क्लिनिकल कोर्डिनेटर डा. प्रमोद पौडेलले जानकारी दिए।
कैलालीको गोदावरी नगरपालिका वडा नम्बर ७ का ५० वर्षीय पुरुषको मृत्यु भएको हो । चितवन मेडिकल कलेजमा उपचाररत उनमा कोरोना सङ्क्रमण पुष्टि भएपछि बिहीबार भरतपुर अस्पतालको आइसोलेसन वार्डमा सारिएको थियो ।
फोक्सोको क्यान्सर भएका ती पुरुषको स्वास्थ्य अवस्था शुक्रबार देखि जटिल भएको क्लिनिकल कोर्डिनेटर पौडेलले बताए।
प्रकाशित : २०७७ असार १३ गते ११:०२
Facebook Comment